Саступіўшы на сваёй пляцоўцы "Віцебску”, жлобінская каманда змагла сабрацца і ў наступным матчы здабыць перамогу над адным з аўтсайдэраў чэмпіянату – наваполацкім "Хімікам-СКА” (3:1). Прычынай намацанага ўздыму галоўны трэнер каманды Яўген Лебядзеў назваў змены ў складзе. Але разам с тым настаўнік казаў і пра праблемы з падпісаннем новых гульцоў.

"Шкада, вядома, прапускаць гол на апошняй хвіліне, але наш брамнік адпрацаваў паўнавартасна. Там, дзе мы здзяйснялі памылкі, іх было не шмат, але яны былі,  – брамнік абараніў як трэба. Бачыце, пару чалавек, якія тут адбывалі нумар, адправілі і сёння ўжо была зусім іншая каманда. Я думаю, што трэба яшчэ сяго-таго адправіць і тады ўсё падправіцца, усё заварушыцца. Ёсць яшчэ момант, які мяне насцярожвае. Да нас прыязджаюць нядрэннага ўзроўню гульцы, але ўсё ніяк не могуць з кіраўніцтвам клубу дамовіцца. І мы ў надзеі, а яны не падпісваюць кантракт. Пасля сустрэчы з кіраўніцтвам яны збіраюцца і з’язджаюць. Ці нежаданне браць гэтых гульцоў на працу, ці штосьці іншае – я не магу зразумець. Але цяпер будзем разбірацца, таму што камплектаваць каманду, на жаль, далей трэба. Сыходзім на перапынак. У прынцыпе, не дабралі тры ачка планаваных, а так усё звычайна пакуль", – сказаў Яўген Лебядзеў пасля апошняга для каманды матчу перад перапынкам.

http://www.hockeyby.org